Սկիզբ » 2010 » Մարտ » 28 » «ՌԵԱԼ ՄԱԴՐԻԴ» - «ԱՏԼԵՏԻԿՈ ՄԱԴՐԻԴ» / ՀԱՆԴԻՊՄԱՆԸ ԸՆԴԱՌԱՋ «ՌԵԱԼ ՄԱԴՐԻԴ» - «ԱՏԼԵՏԻԿՈ ՄԱԴՐԻԴ» / ՀԱՆԴԻՊՄԱՆԸ ԸՆԴԱՌԱՋ 14:57 
Մնացել է 10 հանդիպում` 10 եզրափակիչ… Պատահականություն է, թե չէ, բայց առաջին եզրափակիչը կրելու է El Derbi անվանումը, քանի որ միմյանց հետ են հանդիպելու Մադրիդի երկու ակումբներ` «Ռեալն» ու «Ատլետիկոն»: «Ատլետիկոն» միշտ համարվել է դժվար մրցակից «Ռեալ Մադրիդի» համար, բայց երբ նայում ենք վիճակագրությանը, ապա լրիվ հակառակ պատկերն ենք տեսնում, քանի որ բացահայտ առավելությունը «Ռեալ Մադրիդի» կողմն է: Ամեն դեպքում, չնայած նրան, որ «Ատլետիկոն» չի կարողանում հաղթել «Ռեալին» «Բեռնաբեու» ստադիոնում 1999 թվականից, Կիկե Ֆլորեսի սաները ձգտելու են վերջ դնել իրենց համար այդ վատ ավանդույթին: «Ատլետիկոն» այնքան էլ լավ չմեկնարկեց այս մրցաշրջանում, բայց հիմա կարելի է ասել, որ թիմի ներկայիս մարզիչը ` Ֆլորեսը, կարողացավ այսպես ասած ուշքի բերել խաղացողներին և դրա ապացույցը թիմի վերջին խաղերում ցույց տված արդյուքներն են: Թիմը դուրս է եկել Իսպանիայի գավաթի խաղարկության եզրափակիչ: Չմոռանանք նաև Եվրոպայի Լիգայի մասին, որտեղ «Ատլետիկոն» դեռ մնում է պայքարի մեջ. թիմը հասել է մինչև քառորդ եզրափակիչ և չի պատրաստվում զիջել դիրքերը: Մի խոսքով Կիկե Ֆլորեսի թիմը լավ մարզավիճակ է ձեռք բերել, այդ իսկ պատճառով վստահաբար կարելի է ասել, որ «Ռեալի» համար հեշտ չի լինելու: Գոլառատ ֆուտբոլ են սկսել ցուցադրել թիմի հարձակվողները` Ֆորլանը և Ագուերոն: Լավ մարզավիճակում է գտնվում «Ռեալի» նախկին ֆուտբոլիստ Ռեյեսը:
Մյուս կողմից նույնը կարելի է ասել նաև «Ռեալի» համար: Պելեգրինիի թիմը հիանալի ֆուտբոլ է սկսել ցուցադրել: Խփում է շատ գոլեր և ամենակարևորը գեղեցիկ ֆուտբոլ է խաղում: Հիանալի խաղ են ցույց տալիս թիմի երկու հարձակվողներ Իգուաինը և Ռոնալդուն: Կիսապաշտպանական գծում երևի չկա մեկ ֆուտբոլիստ, ով չի գտնվում լավ մարզավիճակում: Վան դեր Վարտ, Գուտի, Ալոնսո, Գրաներո… Այս երեքին կարելի է նաև գումարել Գագոյին, ով վերջին խաղում լավ ֆուտբոլ խաղաց, չնայած նրան, որ երկար ժամանակ զրկված էր խաղային պրակտիկայից: Պաշտպաները նույնպես սկսել են ավելի հստակ գործել: Ցավոք, այս խաղում իր թիմին չի կարողանա օգնել արգենտինացի Գարայը, ով վնասվածք է ստացել «Խետաֆեի» հետ խաղի ժամանակ: Հանդիպմանը կկարողանա մասնակցել մալիցի Դիարան, ով ապաքինվել է վնասվածքից: Հիշեցնենք, որ առաջին խաղաշրջանի հանդիպումը ավարտվել է 3-2 հաշվով օգուտ «Ռեալ Մադրիդի»: Կարճ ասաց սպասվում է անզիջում պայքար, գեղեցիկ և գոլառատ ֆուտբոլ:
ԹԻՄԵՐԻ ԿԱԶՄԵՐԸ
«Ռեալ Մադրիդ» (Պայմանական կազմ) – Կասիլյաս, Արբելոա, Ալբիոլ, Ռամոս, Մարսելո, Ալոնսո, Գագո, Գրաներո, Վան դեր Վարտ, Իգուաին, Ռոնալդու
«Ատլետիկո Մադրիդ» (Պայմանական կազմ) – Դե Խեա, Ույֆալուշի, Պերեա, Անտոնիո Լոպես, Ասունսանո, Ռեյես, Ֆորլան, Ագուերո, Խուրադո, Սիմաո, Սալվիո
«ՌԵԱԼ ՄԱԴՐԻԴ» - «ԱՏԼԵՏԻԿՈ ՄԱԴՐԻԴ»
Լա Լիգա, 29-րդ տուր, կիրակի, 24:00 Երևանի ժամանակով
TV - НТВ-ПЛЮС Футбол, ՀԱՅ TV
ՊԱՏՐԱՍՏԵՑ` Հաբեթ Հարությունյանը
