Սկիզբ » 2010 » Մարտ » 6 » ԷՔՍԿԼՅՈՒԶԻՎ ՀԱՐՑԱԶՐՈՒՅՑ | ԽԵՍՈՒՍ ՆԱՎԱՍ ԷՔՍԿԼՅՈՒԶԻՎ ՀԱՐՑԱԶՐՈՒՅՑ | ԽԵՍՈՒՍ ՆԱՎԱՍ 13:43
Ինչպես և բոլոր երկրպագուները, այնպես էլ «Ռեալի» և «Սևիլյայի» խաղացողները անհամբերությամբ սպասում են այսօր կայանալիք հանդիպմանը: Եվ ահա ձեզ ենք ներկայացնում «Սևիլյայի» և Իսպանիայի հավաքականի կիսապաշտպան Խեսուս Նավասի էքսկլյուզիվ հարցազրույցը:
Ի՞նչ եք սպասում այս հանդիպումից: Եվ, առահասարակ, ի՞նչ կասեք կայանալիք խաղի մասին:
Սպասվում է, որ լինելու գեղեցիկ հանդիպում: Երկու թիմերն էլ անհամբերությամբ են սպասում այս խաղին:
«Ռեալ Մադրիդը» դեռ չի պարտվել սեփական հարկի տակ…
Այո, դա կարող է իր ազդեցությունը ունենալ, բայց ասեմ ձեզ, որ մենք արդեն հանդիպել ենք նման իրավիճակների հետ: Մենք կռվելու ենք:
Առաջին խաղում դուք շատ լավ խաղացիք և կարողացաք հաղթել «Ռեալին»:
Այո, մենք հիանալի խաղացինք առաջին խաղում: Կարելի է ասել, որ ոչ մի շանս չտվեցինք մրցակցին: Մենք փորձելու ենք նույն մենտալիտետով դուրս գալ «Բեռնաբեու» և պայքար մղել հաղթանակի համար:
Նեգրեդոն արդեն երկու անգամ հեռացվել է խաղադաշտից: Ակումբը կամ դուք` թիմակիցները, փորձե՞լ եք հանգստացնել նրան:
Ալվարոն նման հանդիպումների հսկայական փորձ ունի: Նա լիովին հանգիստ է իրեն զգում և նա դուրս է գալու խաղադաշտ լավ, գեղեցիկ ֆուտբոլ խաղալու համար:
Նավաս-Նեգերդո կապը կամաց-կամաց ավելի ֆունկցիոնալ է դառնում:
Կարևորը այն է, որ ամբողջ թիմը սկսի այդպես համագործակցել և այդ ժամանակ մեզ հաղթելը շատ դժվար գործ կլինի:
«Ռեալի» կազմից ու՞մ կնախընտրեիք:
Բոլորին: Բոլորն էլ կարևոր են թիմի համար: Ռամոսը հիանալի է խաղում: Ինձ դուր է գալիս նաև Ալբիոլի խաղը:
Հավաքականի ընկերներիդ հետ խոսե՞լ եք այս հանդիպման մասին:
Այո, բայց մենք միայն քննարկել ենք, այլ ոչ թե կանխատեսումներ ենք արել, քանի որ այս հանդիպումը շատ կարևոր է երկու թիմերի համար էլ: Ինչպես «Ռեալը», այնպես էլ «Սևիլյան» ցանկանում են վաստակել այդքան կարևոր երեք միավորները:
Ո՞րն է հաղթանակի հասնելու բանալին` ըստ ձեզ:
Մենք պետք է կենտրոնացած գործենք ամբողջ հանդիպման ընթացքում: Չպետք շատ սխալներ թույլ տանք և պետք է օգտագործենք պատեհ առիթները:
Ինչ-որ հաղորդագրություն կուղարկե՞ք Կասիլյասին:
Իկերը իմ ընկերն է և մենք ընկերություն ենք անում ինչպես հավաքականի ներսում, այնպես էլ նրանից դուրս, բայց այսօրվա խաղի ժամանակ պատմությունը այլ կլինի, քանզի ես ստիպված եմ լինելու նրան տխրեցնել;
Ի՞նչ կասեք այն մասին, որ «Ռեալը» հետաքրքրված է ձեր ծառայություններով...
Այն օրվանից, երբ ես «Սևիլյայում» եմ, հաճույք եմ ստանում իմ խաղից: Ես այստեղ լավ օրեր եմ ապրել և հիմա էլ ապրում եմ: «Սևիլյայի» հետ ես տիտղսներ եմ նվաճել: Ես երջանիկ եմ ինձ զգում այստեղ:
Դուք ձեզ գնահատված զգու՞մ եք «Սևիլյայում»:
Այո, ես երջանիկ եմ և օրեցօր ավելի եմ երջանկանում, քանի որ անում են այն, ինչը ինձ դուր է գալիս` խաղում եմ ֆուտբոլ իմ հարազատ ակումբում:
Դուք կփորձե՞ք կրկնել առաջին խաղում ձեր ցույց տված ֆուտբոլը:
Բոլորն էլ ցանկանում են լավ խաղ խաղալ նման մրցակիցների հետ խաղերում: Այո, իհարկե:
Խիմենեսը գրաս է եկել Դել Նիդոյի հետ, որ դուք այս տարի 12 կամ ավելի գոլ եք խփելու: Դուք արդեն հասցրել եք խփել 8 գոլ:
Ես կփորձեմ օգնել իմ մարզչին,, քանի որ վստահ եմ, որ Դել Նիդոն չի դժգոհի դրանից:
Թարգմանեց: Հաբեթ Հարությունյանը
Աղբյուրը:www.as.com
Հղումը կայքին պարտադիր
