Սկիզբ » 2010 » Մարտ » 2 » Մ. ՊԱՐԴԵՍԱ. «ՄԵՆՔ ՄՈՏ ԵՆՔ ՉԵՄՊԻՈՆՈՒԹՅԱՆԸ» Մ. ՊԱՐԴԵՍԱ. «ՄԵՆՔ ՄՈՏ ԵՆՔ ՉԵՄՊԻՈՆՈՒԹՅԱՆԸ» 14:22
«Ռեալ Մադրիդի» սպորտային տնօրեն Միգել Պարդեսան այսօր հաշվետվություն է ներկայացրել և մեկնաբանել է ակումբի անցած ճանապարհը` սկսած մրցաշրջանի սկզբից:
«Թիմը բավականին հաջողությունների է հասել: Ծավալուն աշխատանք է տարվում լավ արդյունքներ ապահովելու համար: Մենք պայքարի մեջ ենք և ամեն ինչ պետք է անենք չեմպիոն դառնալու համար»: «Մենք երկու միավոր ենք զիջում առաջատար «Բարսելոնային»: Երկու միավորը այնքան էլ մեծ միավորների դեֆիցիտ չէ, բայց չպետք է մոռանանք, որ «Բարսելոնան» հիանալի խաղացողներով կոմպլեկտավորված թիմ է: Մեր գլխավոր մրցակիցը շատ լավ է խաղում»:
«Գալիք մի քանի շաբաթների ընթացքում երևալու է մեր անցած ամիսների ընթացքում կատարած աշխատանքի արդյունքը: Մենք մի փոքր առավելություն ունենք գլխավոր մարցակիցների հետ պայքարում, քանի որ մրցաշրջանի ներկայիս հատվածում նրանց հետ խաղալու ենք սեփական հարկի տակ: Դա միշտ ավելորդ լիցք է հաղորդում այն թիմին, որը խաղում է սեփական հանդիսատեսի ներկայությամբ: Ես հույս ունեմ, որ ամեն ինչ կավարտվի այնպես, ինչպես որ մենք ենք ցանկանում»:
Թարգմանեց: Հաբեթ Հարությունյանը
Աղբյուրը:www.Realmadrid.com
Հղումը կայքին պարտադիր
