Սկիզբ » 2010 » Մարտ » 2 » ՆԵԳՐԵԴՈ. «ԵՍ ՉԵՄ ՈՒԶՈՒՄ ՕԳՆԵԼ «ԲԱՐՍԵԼՈՆԱՅԻՆ» ՆԵԳՐԵԴՈ. «ԵՍ ՉԵՄ ՈՒԶՈՒՄ ՕԳՆԵԼ «ԲԱՐՍԵԼՈՆԱՅԻՆ» 11:06
Ալվարո Նեգրեդոն` «Սևիլյայի» հարձակվողը, վստահեցրել է, որ իր թիմը «Բեռնաբեու» մարզադաշտում խաղալու է միայն և միայն հաղթանակի համար, բայց նրանք դրան ցանկանում են հասնել, ոչ թե «Բարսելոնային» օգնելու համար, այլ իրենց համար թանկարժեք երեք միավոր վաստակելու համար, քանի որ այդ միավորները առաջին հերթին իրենց են պետք:
«Եթե մենք հաղթենք «Ռեալին», ապա կօգնենք «Բարսելոնային», ինչը որ ես չեմ ցանկանում անել: Բայց մյուս կողմից մենք պարտավոր ենք հաղթանակի համար խաղալ, որովհետև այդ միավորները առաջին հերթին մեզ են պետք: Մենք խաղալու ենք մեր ակումբի, մեր երկրպագուների համար, այլ ոչ թե «Բարսելոնայի»: Մեր նպատակն է պահպանել երրորդ հորիզոնականը և դրան հասնելու համար մենք պետք է անենք անհնարինը»,- վստահեցրել է Նեգրեդոն:
«Բարսելոնան» հիմա իրեն հարմարվետ չի կարող զգալ, քանի որ «Ռեալը» տուրից տուր ճնշում է գործադրում: Եթե դրան էլ գումարենք «Բարսելոնայի» ներկայիս խաղը, որը անխոս նման չի անցյալ տարվա խաղին, ապա կարելի է վստահաբար ասել, որ «Բեռնաբեու» ստադիոնում հաղթելով` մենք հիանալի նվեր կմատուցենք կատալոնացիներին»:
«Հիմա չեմպիոնի կոչման համար են պայքարում երկու ակումբներ: Երկու թիմերն էլ գերազանցում են ներկա դրությամբ մնացած բոլոր ակումբներին»: Նեգրեդոն նաև խոսեց իր հավաքականում լինելու մասին. «Դեռ շատ ժամանակ կա մինչև աշխարհի առաջնությունը, բայց այն, որ հիմա ես այստեղ եմ, մեծ բան է նշանակում: Մարզիչը շարունակում է վստահել ինձ և դա ինձ ավելորդ լիցքեր է տալիս ապագայում ավելի լավ խաղ ցույց տալու համար»,- ասել Նեգրեդոն, ով հիմա գտնվում է Վիսենտե Դել Բոսկեի տրամադրության տակ:
Թարգմանեց: Հաբեթ Հարությունյանը
Աղբյուրը:www.Marca.com
Հղումը կայքին պարտադիր
